Dr. Tom Davis ගේ පණිවිඩය
රැකියා වල නියුතු LGBTIQ පුද්ගලයන්ගේ සේවා ස්ථානයන්හි අත්දැකීම් පිළිබඳ අපගේ නවතම සමීක්ෂණයෙන් හෙළි වූයේ ඔවුන්ගෙන් බොහෝ දෙනෙක් සිය ලිංගික දිශානතියන් සහ / හෝ ස්ත්‍රී පුරුෂ සමාජභාවි අනන්‍යතාවය / ප්‍රකාශනය හෙළි කිරීමට මැලි වන අතර, වෙනස් කොට සැලකීම සහ හිරිහැර කිරීම් හේතුවෙන් රැකියා ස්ථානයේදී ඔවුන්ගේ සැබෑ ස්වරූපයෙන් සිටීමේදී අසීරුතාවන්ට මුහුණදෙන බවයි. ප්‍රතිචාර දැක්වූවන්ගෙන් 58% ක් ප්‍රකාශ කළේ තමන් වාචික හිරිහැරවලට මුහුණ දී ඇති බවත් 31% ක් කියා සිටියේ තමන් ලිංගික හිරිහැරවලට මුහුණ දුන් බවත්ය. 44% ක් කියා සිටියේ එවැනි සිදුවීම් කළමනාකාරිත්වයට වාර්තා කොට තවත් පලිගැනීම් වලට මුහුණ දීමට සිදුවෙතැයි ඇති බිය නිසා නිහඬව සිටින බවයි. වඩාත් ඛේදජනක ලෙස, ප්‍රතිචාර දැක්වූවන්ගෙන් 23% ක් මානසික හිරිහැර හේතුවෙන් සිය රැකියාවෙන් ඉවත් වූ බව ද සඳහන් කළහ. රැකියා ස්ථානවල එවැනි වෙනස්කම් සිදුවීම LGBTIQ පුද්ගලයින්ගේ ආර්ථික සුරක්‍ෂිතතාවයට බෙහෙවින් හානි කරයි. ශ්‍රී ලංකාවේ සේවා ස්ථානවල සමරිසි, සංක්‍රාන්ති සමාජභාවී, ද්විරිසි භීතිකාවන් අවසන් කිරීම අත්‍යවශ්‍ය වේ. සම්පුර්ණ වාර්තාව
