இலங்கை சமூகமானது கடுமையான பாலின தரங்கள் மற்றும் பொறுப்புகளில் கட்டமைக்கப்பட்டுள்ளது, இதில் மாறானது, வித்தியாசமானது மற்றும் இரண்டுக்குமிடையில் பாலின தரநிலைகள் அனைத்தும் அசாதாரணமான, மாறுபட்டவை என்றும் தண்டனைக்கும் பாகுபாடுகளுக்கும் உட்படுத்தப்படவேண்டியன என்றே கருதப்படுகிறது.

எங்கள் கடந்த காலத்தின் காலனித்துவத்தின் விளைவாக, சுய விருப்பத்துடன் பெரியவர்களுக்கிடையில் (வயது வந்தவர்கள்) இணையும் ஓரின பால் ஈர்ப்பாளர்கள் உறவுகளானது 10 ஆண்டுகள் வரை சிறைத்தண்டனை விதிக்கப்படும் ஒரு குற்றச் செயலாகவே கருதப்படுகிறது.

இதன் விளைவாக, சமூக பாகுபாட்டின் களங்கமானது ஓரின பால் ஈர்ப்பாளர்களுக்கும் மாற்று பாலினத்தவர்களுக்கும் புகுத்தப்பட்டது.

இந்த களங்கம் LGBTIQ சமூகத்தின் உறுப்பினர்களின் பாகுபாடு மற்றும் ஓரங்கட்டப்படுதலின் விளைவாக பெருமளவில் நிறுவனமயமாக்கப்பட்டு LGBTIQ சமூகத்தின் உறுப்பினர்களாக கருதப்படுபவர்கள் அனைவரையும் பாதித்துள்ளது. இத்துடன் பாலின அடையாளம் மற்றும் பாலியல் நாட்டம் குறித்ததான போதிய அறிவு இல்லாததால் தவறாகப் புரிந்துகொள்ளப்பட்ட மத/கலாச்சாரக் கோட்பாட்டுக்குட்பட்டு LGBTIQ நபர்கள் பெரும்பாலும் எதிர் பாலினத் திருமணங்களுக்குத் பலாத்காரமாக தள்ளப்படுகிறார்கள், அல்லது கற்பழிப்புக்கு ஆளாகிறார்கள்/உட்படுத்தப்படுவார்கள், இல்லாவிடில் தங்கள் வீடுகளின் அல்லது பொது இடங்களில் முக வன்முறையை எதிர்கொள்கிறார்கள்.

இவ்வாறு தவறாக நடத்தபப்டும் நபர்களுக்கு நீதி மற்றும் மருத்துவ பரிகாரம் கிடைக்க அநேக நேரங்களில் மறுக்கப்படுகிறது, ஏனெனில் தங்களின் ‘வித்தியாசமான’ பாலியல் நாட்டம் அல்லது பாலின அடையாளம் பகிரங்கப்படும் என்ற அச்சமும் அத்துடன் அதிகாரிகளின் கைகளில் சிக்கி மேலும் துஷ்பிரயோகம் செய்யப்படுவோமோ என்ற அச்சுறுத்தலும் இருக்கிறதினால் ஐயம் ஏற்படுகின்றது.